«Միսիս Դելոուեյ»–ը Վըրջինիա Վուլֆի՝ գեղագիտական առումով առաջին ամբողջական նորարարական վեպն է, որն ընդգրկում է ընդամենը մեկ օրվա իրադարձություններ, և որտեղ յուրահատուկ` վուլֆյան «գիտակցության հոսքի» միջոցով հետպատերազմյան Անգլիան և առհասարակ ժամանակի ամեն ակնթարթը ներկայացվում են հերոսների սուբյեկտիվ ընկալումների միջոցով: Հատկապես էական են երկու հերոսների գոյաբանական մտորումները. պառլամենտականի ազնվական կինը նախապատրաստում և ավարտին է հասցնում իր ամենամյա երեկույթը, իսկ զորացրված հոգեկան հիվանդը ինքնասպան է լինում: Սակայն երկու հերոսները, որոնք երբևէ չեն հանդիպել ժամանակի և տարածության անտեսանելի խաչմերուկում, ձուլվում են իրար, նույնանում, և հերոսուհին իր մաշկի վրա զգում ու ապրում է կյանքի նոր չափումը:
«Տեսանելի մաթեմատիկա 2» ձեռնարկը նախատեսված է երկրորդ դասարանում սովորող, ինչպես նաև 7 տարեկանից մեծ ցանկացած երեխայի համար: Այն ներառում է պարապմունքներ, որոնք համարակալմամբ համապատասխանում են մաթեմատիկայի երկրորդ դասարանի դասագրքի դասերին:
Մենագրության մեջ հանգամանորեն վերլուծված է Երվանդ Քոչարի (1899–1979) ստեղծագործությունը՝ քսաներորդ դարի արևմտաեվրոպական կերպարվեստի համատեքստում։ Քննարկվում է Քոչարի նշանակալի դերը նոր երևույթների կերպավորման և համաշխարհային արվեստի հետ նրա առնչությունների տեսանկյունից։ Զուգահեռաբար մեկնաբանվում են նրա էսթետիկական հայացքները և մտորումները տեսական ու փիլիսոփայական խնդիրների շուրջ:
«Իմ հանճարեղ ընկերուհին» վեպն ընկերության էությունը քննող հուզիչ խորհրդածում է, նաև պատմություն մի ամբողջ ազգի մասին: Էլենա Ֆերանտեն ժամանակակից իտալացի գրող է: Նրա ինքնությունը մինչև այժմ անհայտ է, թեև նա բավականաչափ հայտնի հեղինակ է։ Համաշխարհային ճանաչում ստացելէ «Նեապոլիտանական քառյակի» շնորհիվ։ Այդ 4 վեպերի մեջ առաջինը հենց այս գիրքն է։ Նեապոլի արվարձանային աղքատ, բայց աշխույժ թաղամասում 1950-ականներին սկսված պատմությունը շարունակվում է գրեթե 60 տարի: Գլխավոր հերոսներն են տաքարյուն Լիլան և գրքի հեղինակ Էլենան։ Նրանք դառնում են կին, մայր, առաջնորդ և այդ ամբողջ ընթացքում պահպանում են իրենց բարդ, երբեմն նաև հակասական ընկերությունը: Առաջին վեպը հյուսում է Լիլայի և Էլենայի պատմությունը՝ սկսած 10...
Կարեն Սվասյանի այս գիրքը ժամանակակից փիլիսոփայության ականավոր դեմքերից մեկի՝ Կարեն Սվասյանի տարբեր տարիներին գրված հոդվածների ժողովածու է: Նրա ուսումնասիրությունների առարկան փիլիսոփայության պատմությունն է, մշակութաբանությունը և ճանաչողության տեսությունը։ Անգնահատելի է նրա կատարած աշխատանքը գրականագիտության և թարգմանության ասպարեզներում։ Նա այն սակավաթիվ փիլիսոփաներից է, ում միտքը նոր լիցք է հաղորդում և նորանոր հեռանկարներ է բացում ժամանակակից փիլիսոփայության և անտրոպոսոֆիական գիտության ասպարեզում։ Կարեն Սվասյանի փիլիսոփայական հայացքների համար բնութագրական է դրանց առնչակցությունը մի կողմից փիլիսոփայության և մշակույթի պատմությանը, մյուս կողմից՝ փիլիսոփայական-անտրոպոլոգիական հիմնախնդրին։ Ըստ այդմ ինքը՝ փիլիսոփայության պատմությունը դիտարկվում է իբրև գիտակցության ճակատագրերի պատմություն, բայց ոչ թե՝ հեգելյան-երևույթաբանական հայեցակետով ընդհանրապես գիտակցության, այլ ավելի շուտ՝ Է. Հեկկելի՝...
««Սասնա ծռեր» էպոսի պոետիկան» մենագրության մեջ քննվում են հայկական էպոսի պատմության, հայոց էպիկական ժառանգության ու աշխարհի էպոսների մեջ գրված տեղի և գեղարվեստական առանձնահատկությունների խնդիրներ: Գիրքը հասցեագրված է «Սասնա ծռերի» ընթերցումների, հայկական գեղարվեստական խոսքով հետաքրքրվողներին, ուսումնասիրողներին:
«Բնագիր և մեկնությունը», 2013 թվականին «Անտարես» հրատարակչության հրատարակած Վաչե Եփրեմյանի մենագրությունն է։ Հրատարակության է պատրաստել Ավագ Եփրեմյանը, խմբագիր՝ Արքմենիկ Նիկողոսյան։ Հայոց գրաբանական ներքին ժամանակ/իրականության տևողությունը բացահայտելու, հեղինակային ու անհեղինակ բնագրերը միասնական համակարգի մեջ ներառելու նպատակով «Բնագիր և մեկնություն» աշխատության մեջ շրջանառված սկզբունքների, ըմբռնումների, վերծանման-ընթերցման եղանակների ու կարգերի շնորհիվ ոչ միայն վերարժևորվում են առանձին բնագրերը՝ որպես գրամշակութաբանական ինքնատիպ համակարգեր, այլև գրականության մի որոշակի ընթացք ինքն է ներկայանում ամբողջական էակարգի ձևաբանությամբ և հեռանալով կաղապարային գնահատումների իներցիայից՝ հայտնվում ենթաբնագրային-ենթիմաստային վերակառուցումների ու «վերագրառումների» առանձնահատուկ միջավայրում, որտեղ անակնկալ լուսավորվում են նախկինում ուշադրությունից վրիպած անկյուններ: «Բնագիր և մեկնություն» գրքի բովանդակությունը՝ Մշակութակերպ, ենթատեքստ, նշանակարգ. մշակութաբանական մեկնություններ Նախաբան...
Ժողովածուն ներառում է անգլիական պատմագիտության դասական Առնոլդ Ջոզեֆ Թոյնբիի «Հասու լինել պատմությանը» հիմնարար աշխատության առաջին յոթ հատորների նյութերը՝ նվիրված տեղային քաղաքակրթությունների տեսությանը և համեմատական պատմությանը:
«Ճանաչենք նանոաշխարհը» գրքի հիմքում պարզ գաղափար է դրված՝ փորձերի միջոցով հստակ պատկերացում տալ այն մասին, թե ինչպես են ստանում և հետազոտում նանոօբյեկտներ, և թե այդ օբյեկտներն ինչ զարմանալի հատկություններ են դրսևորում: Ի՞նչն է որոշելու քաղաքակրթության զարգացումը XXI դարում, և ինչպիսի՞ն պետք է լինի կրթությունը, որ կարողանա մարդկանց ապահովել անհրաժեշտ գիտելիքով: «Ճանաչենք նանոաշխարհը» գիրքն օգտակար կլինի նաև համալսարանների բնական գիտությունների ֆակուլտետների ուսանողների համար, որոնք նոր են ծանոթանում նանոտեխնոլոգիային:
Ներկայացվում է գեղագիտության պատմությունը սկզբնական շրջանից մինչև XIX դար՝ շեշտը դնելով համամարդկային այն արժեքների վրա, որոնք ձևավորվել են՝ հենվելով առաջընթացքի, ճշմարտության և քաղաքացիության վրա: «Գեղագիտության պատմություն» գիրքն ամփոփում է այն դասախոսությունները, որոնք հեղինակը կարդացել է Կոմիտասի անվան պետական կոնսերվատորիայի ուսանողներին:
«Ժամանակակից պետության տնտեսագիտություն» գրքում քննարկվել են տնտեսության զարգացման քաղաքատնտեսական մեթոդաբանական հիմունքներին, գործարարությունը՝ որպես տնտեսության զարգացման մայրուղի, համախառն ներքին արդյունքի արտադրությանը և օգտագործմանը, Հայաստանի Հանրապետության մակրոտնտեսական վերլուծությանը ու պետական կարգավորման լծակներին, պետության և շուկայի ժամանակակից մարտահրավերներին վերաբերող հիմնահարցերը «Ժամանակակից պետության տնտեսագիտություն» գիրքը նախատեսված է գործադիր և օրենսդիր մարմինների, գործարարների, ԲՈւՀ-երի ուսանողների, ասպիրանտների, հայցորդների, պրոֆեսորադասական անձնակազմի, ինչպես նաև բոլոր նրանց համար, ովքեր հետաքրքրված են ժամանակակից պետության տնտեսագիտության հիմնախնդիրներով:
Երբեք մենակ մի ճաշեք և նեթվորքինգի այլ կանոններ. Կապերը որոշում են ամեն ինչ: Այս աշխարհում ամեն ինչ գոյություն ունի միայն մնացածի հետ կապի շնորհիվ: Ոչինչ չի կարող մեկուսացած գոյություն ունենալ: Բավական է ձևացնենք, թե մենք անկախ արարածներ ենք՝ ունակ ինքնաբավ կյանք վարելու:
Հայերեն ուրույն լեզվամտածողությամբ շարադրված «Կառավարչական հմտությունների զարգացում» ձեռնարկի նպատակն ու խնդիրներն են. ուսումնառողների, որպես հանրային կառավարման ապագա մասնագետների, ինչպես նաև ղեկավար կառավարիչ-առաջնորդի ներուժ և ձգտում ունեցող անձանց անհատական թիմային կառավարչական ունակությունների բացահայտման և (ինքնա-) գնահատման գործնական հմտությունների զարգացումը, նրանց ինքնաիրականացման և (ինքնա-) մոտիվացման մակարդակի բարձրացումը, ինչպես նաև աշխատանքային խմբի/թիմի արդյունավետ ղեկավարմանը, կազմակերպության/ստորաբաժանման կառավարման բարեփոխմանը, վերակազմավորմանն ու զարգացմանը, կառավարչական գործունեության արդյունավետության բարձրացմանը միտված գիտելիքների և հմտությունների ուսուցանումը, աշխատանքային գործունեության մեջ ներգրավված անձանց օբյեկտիվ և գիտակցված գործարար որակների (competency) մասին գիտելիքների և դրանց կիրառության ու զարգացման հմտությունների ձևավորումը՝ միտված ղեկավարների և ենթակաների միջև կառուցողական աշխատանքին, ինչպես նաև գործընկերների հետ արդյունավետ համագործակցությանը:
«Ապրի՛ր նվաճեով» գիրքը նախատեսված է այն մարդկանց համար, ովքեր ցանկանում են տնօրինել իրենց կյանքը սեփական հայեցողությամբ։ Գիրքը ենթադրում է խելամիտ և իմաստասիրական ճաշակ ունեցող ընթերցող, հակառակ դեպքում այն կարող է վերածվել վտանգավոր գործիքի։
Սոցիալ- ձեռներեցներ և նոր գաղափարների ուժը Ինչպես փոխել աշխարհը: Հնարավո՞ր է արդյոք վերացնել աղքատությունը, բուժօգնություն հասցնել աշխարհի չորս ծագերը, երաշխավորել, որ ամեն մի երեխա յուրաքանչյուր երկրում լիարժեք կրթություն ստանա։ Այս, նորարարական այլ մտահղացումների ու գաղափարների մասին է Դեյվիդ Բորնսթայնի «Ինչպես փոխել աշխարհը. Սոցիալ-ձեռներեցներ և նոր գաղափարների ուժը» գիրքը։
«Սովորում եմ չինարեն» դասագիրքը նախատեսված է լեզվական և ոչ լեզվական բուհերի առաջին և երկրորդ կուրսի ուսանողների, ինչպես նաև ավագ դպրոցի աշակերտների և չինարենը ինքնուրույն ուսումնասիրողների համար: Տեքստերի մանրամասն մեկնաբանությունները, ըստ հերթականության քերականական շարադրանքը և մշակութային լայնածավալ տեղեկատվությունը սովորողներին հնարավորություն կտան համակարգված պատկերացում ձևավորելու չինարենի քերականական կառուցվածքի, չինական հիերոգլիֆագրության պատմության և չինացիների գրավոր և բանավոր հաղորդակցման լեզվամշակութային առանձնահատկությունների վերաբերյալ: Բացի հիմնական դասագրքից «Սովորում ենք չինարենում» ուսումնական փաթեթում ներառված են նաև վարժությունների տետրեր, սկավառակներ: Աշխատանքային տետրը պարունակում է վարժություններ՝ հնչյունական վերամշակման համար, ունկնդրություններ, հիերոգլիֆային վարժություններ:
«Սա է մարքեթինգը» գրքում Սեթ Գոդինն առաջարկում է ոչ թե հնարքներ, այլ մարքեթինգի նոր՝ ավելի արտիստիկ ու խոր մոտեցումներ: Նա սովորեցնում է ոչ թե ուղղակի վաճառել, այլ ստեղծել արժեքներ, կապեր ու առաջ բերել խոր հոգեբանական ազդակներ ապրանքը ձեռք բերելու և լոյալությունը պահպանելու համար: Գիրքը կսովորեցնի, թե ինչպես խթանել ապրանքները, ծառայություններն ու գաղափարները մի աշխարհում, որտեղ բոլորը զբաղված են ու ձեր ժամանակը չունեն: Ըստ «Սա է մարքեթինգը» գրքի՝ ժամանակակից մարքեթինգը մրցավազք կամ պատերազմ չէ: Միջոց է, որը խելացի շուկայագետն օգտագործում է, որպեսզի մարդկանց տա այն, ինչ նրանց պետք է, ինչը կբարեփոխի նրանց կյանքը, կծնի նոր գաղափարներ: Ժամանակակից մարքեթինգը հասարակությանը ծառայելու և...
Եթե մի օր սովորական նախիրի մեջ նկատեք արածող մանուշակագույն կով, վստահ ենք՝ երկար կհիշեք և կպատմեք բոլորին: Եվ բոլոր նրանք, ում կպատմեք, կգնան ձեր ասած տեղը՝ հուսալով, որ մանուշակագույն կովը դեռ արածելիս կլինի: Ձեր առաջարկը պետք է հենց այդպիսին լինի. յուրօրինակ ու չմոռացվող: Ու ձեր մասին լուրերը կտարածվեն աշխարհով մեկ: Եվ բոլորովին անվճար: Հանրահայտ մարքեթոլոգ Սեթ Գոդինի «Մանուշակագույն կով» գրքում կգտնեք հարյուրավոր միջոցներ, որոնք ձեր առաջարկը կդարձնեն արտասովոր:
«Սփյուռք» մատենաշարի սույն հատորով լույս է տեսնում Զապէլ Եսայեանի «Աւերակներուն մէջ» գիրքը: Այս ուղեգրությունը նախաեղեռնյան ժամանակաշրջանի այն հազվագյուտ իրապատում ստեղծագործություններից է, որտեղ պատկերված են հայությանը սպասվող ապագա մղձավանջը՝ գեղարվեստական յուրօրինակ լեզվով և արտահայտչամիջոցներով՝ ավելի տեսանելի դարձնելով Ադանայի կոտորածների զարհուրելիությունը: «Մոռնա՛լ անցեալը, ի՜նչ ոսկեզօծ ստութիւն… սպանել զայն մեր յիշողութեան բջիջներուն մէջ, երբ մեր ծնած ատենը մեզի հետ կը բերենք զա՛յն… անկարելի, անկարելի բան է ատ. ո՛չ մէկ ատեն չեն յաջողած թումբ կանգնեցնել բնութեան անթափանցելի եւ իմաստուն տրամադրութեանցը դէմ…: Աշխարհիս բոլոր բռնապետները միացած անկարող են մարդկային կամքին անբռնաբարելի եւ անշօշափելի զօրութեան դէմ: Արիւնն իր առանձին օրէնքներն ունի, որուն իշխանութենէն չենք կարող ազատիլ,...
«Սփյուռք» մատենաշարի սույն հատորով լույս է տեսնում Յակոբ Մնձուրու «Նազար» դրաման, որ առաջին անգամ է տպագրվում առանձին գրքի տեսքով։ Նախկինում հրատարակվել է միայն մեկ անգամ՝ 1929 թ․, Բոստոնի «Հայրենիք» ամսագրում։ Մնձուրու գրականության նյութը հայրենի գյուղն է՝ իր բնությամբ, հարազատ ու պարզ, իրենց ավանդույթներին, հող ու ջրին կապված մարդկանցով։ «Նազար» դրաման մեծանուն գրողի միակ դրամատիկական երկն է, որտեղ նույնպես իր իսկ բնորոշմամբ «գիւղը կ’ապրի իմ մէջս»՝ մնձուրիական գյուղաշխարհի գեղահրաշ նրբերանգներով, բայց ողբերգական ավարտով։ «Գրեց բարոյականության հետ հարաբերվելու իր հնարավորությունը կորցրած թշնամու դեռ տաք ատելության ու քամահրանքի պայմաններում։ Այլ կերպ անհնար է հասկանալ Յակոբ Մնձուրիի անվան շուրջը երկար լռությունը․․․ Ազգապահպանության և ազգահորինման...
«Սփյուռք» մատենաշարի սույն հատորով լույս է տեսնում Հարութ Կոստանդյանի երկերի ժողովածուն։ Այն ներառում է ֆրանսահայ հեղինակի բանաստեղծությունները, արձակ գործերն ու նամակներ։ «Երկեր» ժողովածուում ամփոփված է անօրինակ կյանքով, «բնազդական յոյզերով, ընդոստ մտածումներով» ապրած բանաստեղծի գրական ողջ ժառանգությունը։
Անգլիացի գրող Ռաֆայել Սաբատինին «Նավապետ Բլադի ոդիսականը» արկածային վեպը գրել է 17-րդ դարի վերջերի պատմական նյութերի հիման վրա։ Փիթր Բլադ անունով մի բժիշկ՝ ծագումով իռլանդացի, իր համար անսպասելի մասնակցում է Անգլիայի Հակոբ 2-րդ թագավորի դեմ բռնկված ապստամբությանը, որի համար նրան աքսորում են Վեստ Ինդիա՝ տաժանակրության։ Անողոք ստրկությունից ազատվելու միակ ճանապարհը ծովահեն, այսինքն՝ ծովային ազատ ավազակ դառնալն է։ Եվ Փիթր Բլադը իր ընկերների հետ փախչում է գերությունից․ նրանք իսպանական մի նավ են գրավում ու դառնում Կարիբյան ծովի ծովահեններ։ Ճիշտ է, «Նավապետ Բլադի ոդիսականը» գրքում Բլադը զավթում է թագավորական նավեր, սակայն այդ նավերի հասարակ նավաստիներին միշտ խնայում է։ Նա պայքարում է միայն...
Իտալացի հայտնի գրող Էմիլիո Սալգարիի «Սև ծովահենը» արկածային վեպը պատմություն է կյանքի անարդարության դեմ մարտնչելու համար հարկադրված ծովահենի ուղին ընտրած մի արիասիրտ ազնվականի մասին, որի կերպարում միահյուսված է ողբերգականությունն ու քամահրանքը աշխարհի հրապույրների նկատմամբ, և որի համար պատիվն ու ազնվությունն են գերագույն արժանիքները։ Անվախ հերոսի մեջ, սակայն, ընթերցողը կգտնի նաև այնքա՜ն մարդկային ապրումներ՝ հուզմունք, ցավ, տագնապ սիրելիների համար։ «Սև ծովահենը» վեպում պատանի ընթերցողը նաև կզարգացնի գիտելիքները հեռավոր ջունգլիների բուսական ու կենդանական աշխարհի վերաբերյալ, կտեղեկանա որոշ իրական պատմական անցքերի մասին, կհարստացնի բառապաշարն ու ստեղծագործական միտքը։ Էմիլիո Սալգարին մեծ ճանաչում է ձեռք բերել Իտալիայում, Իսպանիայում և Պորտուգալիայում։ «Սև ծովահենը» և այլ վեպերի համար նրան անվանում են...
