Գիրքը Հին աշխարհի յոթ հրաշալիքների մասին հետաքրքիր պատումների հանգամանալից ժողովածու է: Առանձին պատումներում ներկայացված են Հին աշխարհի յոթ հրաշալիքների ստեղծման պատմության, դրանք կառուցողների, ճարտարապետական ու շինարարական տեխնիկայի, հարակից շատ ու շատ հարցերի, ինչպես նաև, դրանց գտնվելու վայրերի և Հայաստանի ու հայերի հետ տարբեր ժամանակներում ունեցած առնչությունների ու փոխազդեցությունների մասին ուշագրավ տեղեկություններ: Գրքում ներկայացված պատումներն ունեն ճանաչողական-իմացական, ինչպես նաև դաստիարակչական նշանակություն: Այն նախատեսված է կրտսեր ու միջին տարիքի դպրոցականների, ինչպես նաև Հին աշխարհի ու հայոց պատմությամբ ու մշակույթով հետաքրքվող ընթերցող լայն հասարակության համար:
«Աշխարհի նկարագրությունը. Հրաշքների գիրքը» բովանդակում է XIII դարի վենետիկցի ճանապարհորդ Մարկո Պոլոյի Ուղեգրության արևելահայերեն ամբողջական թարգմանությունը՝ կատարված ֆրանսերեն վերջին լավագույն հրատարակությունից: Միջնադարյան եվրոպական գրական այս խոշոր հուշարձանը հայ ընթերցողին առավել մատչելի դարձնելու համար էջատակերին կատարված են անհրաժեշտ ծանոթագրություններ: Գիրքն ունի նաև հռչակավոր այս երկի պատմական և գրական արժանիքները ներկայացնող ամփոփ առաջաբան:
Երեխաների տեսողական հիշողությունն ու ուշադրությունը զարգացնող խաղ-գիրք: Առաջին անգամ նմանօրինակ գրքում աշխարհի բազմաթիվ քաղաքների կողքին ներկայացված է նաև Երևանը:
21-րդ դարի Հնդկաստանը աշխարհի ամենամեծ ժողովրդավական ու երկրորդ ամենաշատ բնակչություն ունեցող երկիրն է: Այն դինամիկ պետություն է ՝ ծաղկուն տնտեսությամբ, բաղկացած տարբեր համոզմունքներից և մեկ դրոշի ներքո միավորված ժողովուրդներից: Հին Հնդկաստանում գոյություն ունեին անթիվ-անհամար թագավորություններ, որոնք հաճախ փոխվում էին, մինչդեռ հազարամյակների ընթացքում ծաղկում էին տարբեր մշակույթներ և դավանանքներ: Երկիրը գտնվում էր օտարերկրյա կառավարման ներքո 1800-ականների սկզբից մինչև անկախություն 1947 թվականը: 1980-ականների վերջերից Հնդկաստանը բացվեց արտաքին աշխարհ` սկսելով տնտեսական բարեփոխումներ և բերելով օտարերկրյա ներդրումները, և այժմ նրա հետ հաշվի են նստում աշխարհի առաջատար տնտեսական և քաղաքական տերությունները: Այսօր Հնդկաստանը խոշոր տերություն է, որն ունի զարգացող միջին խավ, և զգալի հաջողություններ է...
Վլադիմիր Արսենևի «Դերսու Ուզալա» ստեղծագործությունը իմաստուն, բարի և խիզախ որսորդի մասին է, որը, կորցնելով կնոջ ու զավակներին, տայգայում ապրում էր բաց երկնքի տակ: Արսենևի հերոսը իրական է, որը մարդու և բնության միաձույլ համերաշխության խորհրդանիշն է: Վեպի հիման վրա Ակիրա Կուրոսավան նկարել է համանուն ֆիլմը, որը ռեժիսորի միակ լայմաֆորմատ ժապավենի վրա նկարահանած ֆիլմն է:
«Աննան և Արմենը» երկլեզու մանկական գիրք է, որը ստեղծվել է միջազգային գրական ծրագրի շրջանակում: Նկարազարդ այս հրատարակության գլխավոր թեման բարեկամությունն է: Հեղինակները՝ գերմանացի գրող Յուրգեն Յանկովսկին և հայ գրող Լևոն Անանյանը, պատկերում են գերմանուհի Աննայի այցը Հայաստան, որտեղ հայ հասակակիցների ուղեկցությամբ նա իր համար բացահայտում է մի ինքնատիպ երկրի հարուստ պատմությունը, մշակույթն ու ժողովրդին:
Էլեկտրոնային գրքում ներկայացված են Արցախ աշխարհի առավել հայտնի և տպավորիչ հուշարձանները` Ջերմաջուրն ու Հունոտի կիրճի մամռոտ քարը, նախամարդու ապաստան դարձած Ազոխի քարանձավը, հնագույն Տիգրանակերտն ու Ծիծեռնավանքը, միջնադարյան Դադի ու Երից մանկանց վանքերը և, իհարկե, չքնաղ մարգարիտ Գանձասարը: Համակարգչի նվազագույն պահանջները` Monitor 1024×768 px, 32 bit Color P2 500 MHz, RAM 128 Mb Windows 2000/XP/Vista/Windows 7
Աշխարհի շուրջը ճանապարհորդությունը գրքում սկսվում է Ամսաթվերի փոփոխման գծից և անցնելով արևելքից արևմուտք՝ հետաքրքիր կանգառներ կատարում ճանապարհին հանդիպող 100 առավել տեսարժան հրաշալիքների մոտ: Զատկի կղզու Մոայի հոյակերտ հուշարձաններից Ամազոնի զարմանահրաշ արևադարձային անտառներով և Մարակեշի սքանչելի շուկաներով դեպի Սիդնեյի օպերային թատրոնի հրաշալի շենքը ձգվող այս ճանապարհորդությունը անմոռանալի վայելք կպարգևի ընթերցողին: “Աշխարհի հրաշալիքները” գիրքը ներառում է ձեռակերտ ու բնական բազում հրաշալիքներ, որոնք երբևէ տեսնելը յուրաքանչյուրի երազանքն է:
